البنت دي بقينا بنشوفها كتير دلوقتي
خصوصا بعد ما ظهرلنا الفيس بوك
والهاي فيف والنت لوج ..الخ
المشهد الاول
غرفه نوم زوباله زوباله اخر حاجه
تدخل الام علشان تصحي بنتهــا
الام : قومي يا منيله علي عينك
البنت : تيب يا مامي في سرها ( هيا الست دي مورهاش في البيت غيري اف ..)
الام: انتي يا مقصوفه الرقبه هتقومي ولا اكب عليكي شفشق مايه
البنت : خلاص يا مامي قايمه في سرها بردو ( هو فين جوزج ده يريحنا من قرف كل يوم ده علي الصبح ضربه في معاميعك ..)
التليفون : ترن ترن طبعا مفيش نغمه تليفون من ايام الفراعنه اللي تحطله فلوس علشان يشتغل
الام : الووو مين ..؟؟
سونيا : انا سونيا صاحبه هند يا طنط
الام : طيب ثواني اندهلها في سرها ( ال طنط ال الله يرحم ابوكي مات من العطش ..)
الام : انتي لسه مقومتيش يا منيله صحبتك علي الزفت التليفون
البنت : تيب قوليلها باخد شاور ( تلاقيها اصلا مبتستحماش غير في الاعياد والناسبات لووول )
الام : الله يرحم ستك مكنتش تعرف الفرق بين الدش والتليفون
البنت : الووو يا سونيا سوري كنت باخد الشاور بتاعي
انتي عارفه لو مش اخدت الشاور بتاعي الصبح احس
اني ناقصني حاجه ( اشتغلات طبعا لووول ..)
وشويه وتيت تيت وبتاع وكلام بالنعناع والمكالمه خلصت
المشهد التاني
البنت تتجه نحو الصاله تبص علي السفر متلقيش اكل
وبصوت متعرفش طالع ازاي
انتو يا بشر فين الفطار لازم كل يوم نزعقو
دي بقت عيشه تقرف
الام : هتتخرصي ولا اجي اضربك بالدزمه يا دزمه
البنت : في سرها ضربه في معاميعك مش عايز افطر
تتجه نحو الغرفه بتعتها الزوباله طبعا زي ما قولنا قبل كده
وتفتح الدولاب وتلبس وهيا ملبستش
طبعا فاهمين ازاي اهو اسمو لبس وخلاص
تدخل علي المرايه تضرب وشها بعلبه بودره
وميكب ولا اللي راحه ترقص في كباريه ( ما علينا )
المشهد الثالث
تنزل الشارع
شاب سيس : اكيد مامي نحله علشان تجيب العسل ده
البنت : جري ايه يا روح طنط هتتلم ولا اروقك
صاحب الشاب السيس : فكك منها يا معلم دي شكلها
بيئه اخر حاجه
تمشي شويه وتقابل صاحبتها في السنتر
وبوس وبالاحضان (تلقيهم اصلا مش طايقين بعض )
وبعد ما تمشي
صاحبتها : دي بنت رخمه اخر حاجه وزوباله
( مش قولت مش طايقين بعض محدش صدقني )
وتقول لصاحبها اللي معاها : مش عارفه ايه اللي عملاه في روحها ده
هيا راحه كباريه وبعدين الشباب بيعكسوها علي ايه دي شبه اللي
هربانين من الحديقه لووووووووووول
محسسه نفسها انا ملكه جمال لبنان
الخميس أكتوبر 01, 2009 3:03 pm
