موضوع يضحك عن البنات ههه لاحد يزعل

في يوم من الأيام قرأت مقاله ورد فيها عباره تقول:
(( المرأة تتحمل الآلام من اجل جمالها))
وقفت عند هالعباره كثيييييييير
وحبيت اني أخوض فيها
لقيتها صحيحه مليوووووووون في الميه
===============================

يعني الكعب اللي يلبسونه الحريم وكما يسمونه (( الشوكه )) من اسمه يخرع
هذا الكعب الله يسلمكم أتحدى رجال يمشي فيه متر واحد والله اني استغرب بعض الأحيان
الوحده تلبسه وتروح مناسبه ولين رجعت وقلعته تترحم ((تقول أسيرأطلقوا سرااحه)) تقعد تتشكى وآآآآآآآي يا ظهري ومقدر أحركه وحااااااله (( طيب اه اللي حادك يوم تلبسينه ))؟؟ أنا أقولكم ليه عشان تطلع طويله ورزه
باختصااااااااار عشان تطلع أحلى...!!!؟؟=================
صارت مناسبه والبنت تبي تروحها لها لبست وتكشخت وما لقت جزمه (( الله يكرمكم )) تناسب الفستان وش تسوي لاااااااااااااااااااازم تلبس شي يناسب
تروح تدور عند خواتها تلقى وحده مناسبه تقوسها تطلع ضيقه وعناااااااااااااد إلا بتدخلها (( تذكرني بخوات سندريلا )) وأخيرا قدرت تحشرها برجلها وراحت المناسبه والمسكينه رجعت ورجلينها وارمه ومحمره ((طيب لييييه)) كل هذا عشان الفشخره عشان تطلع اجمل وأحلى..!؟؟======================
بعض البنات تلتهب إذنهم من (( الحلق )) واذا طلعوا مكان لازم يلبسون حلق ولازم نفس لون اللبس ومايمدي الوحدة ترجع إلا على طول تقلعوه هذا إن ما قلعته بالسياره بعدين تروح تغسل مكانه بماء بارد وتحط كريم وحاله
كل هذا عشان تطلع أحلى..!؟؟=================
وفيه حلق نازل قبل فتره يكون طويل وكبير ما تتحمله الإذن البشريه يعني يالله إذنين فيل عشان تناسب حجمه********مع كل احترامي بس والله اني استغرب من اللي يلبسونها خطر تقطع إذنهم بس وش يسون يتحملونها عشان الموضة عشان يطلعون أحلى..!؟؟==================
العدسات الملونة ما تناسب عيون الجميع و بعضهم يلبسونها وعيونهم تحمروتدمع وتوجعها بس الضعيفه مقاومه ومتحمله عشان تطلع أحلى...!!؟؟
========== ولا التسريحات بالعروس ((وما أدراك مالتسريحات ))حدث ولا حرج يمكن البعض ماقد شاف درازن التوك والبنسات المدعسه في هالتسريحات يعني لوالوحده تجيها خبطه على راسها يمكن يتخرم من البلاوي اللي تحت التسريحه وبعض التسريحات ثقيله ومليانه اكسسوار وبعضها يوجع الراس ويكون مشدوووووود طيب لييييييييييش مستحملين العذاب عشان تطلع أحلى...؟؟؟===============
والبعض ما يتحمل الظل أوالكحل لأن عينه حساسه ويحطونه وعيونهم توجعهم وترجع البنت وأنواع القطرات وغسول العين ((من البلاوي اللي حطتها)) طيب ليش تحطها وعينها ما تتحمل...!!؟؟ يا خزياااااااه تبونها تروح بدون ما تكمل المكياج جعل عيونها تنحول أهم شي الكشخه عشان تطلع أحلى..!!؟؟
================
بعض الحريم تبي تلبس فستان ضيييييييييييق والكرشه ماتساعد ابد تروح تلبس مشد ولا يخفى على الجميع ما يسببه ذالك المشد من آلام..يعني اللي يلبسونه يترحمون حتى ما يعرفون ياخذون نفس منه ويمكن ما يتعشون حدهم الشاهي بس مافي أمل الفستان بينشق كل هذا عشان تطلع أحلى....؟؟!
============
والبعض نفس الشي تنانيرهم ضيقه قوييييييييييييييييي السحاب شوي و بينقطع تلقاهم اذا جو يتعشون فكو السحاب عشان تدخل اللقمه ياحراااااااااااام ليييييييييييش...!!؟؟ عشان تطلع حلىوا..!!؟ ==============ولا الوحده اذا طولت هالأظافير تحسبونها مرتاحه فيها تكذب عليكم لو تقول إنها مرتاحه وأنا اعني بتطويل الاظافر اللي مو صاحي يعني انسب شي سنتي متر واحد هذا اكثر شي وبعده تقررررررف وتتحمل البنت عشان المناكير والموضة والحركااااااات عشان تواجه وتطلع أحلى...!!؟؟
=================
لا وبعد أزيدكم من الشعر بيت اذا جت الوحده ترووح العرس تقول أسلحة دمار شامل على راسهاطيب ليش تتحمل ها لأسلحه عشان تطلع احلى..؟؟===================